Stafastuð - Frá A til Ö

Verð : 3.800kr

Vörunúmer : 199

Lagerstaða : Til á lager


Stafastuð - frá A til Ö er skemmtilegt og fallegt stafaspil fyrir börn. Hægt er að spila stafaspilið á marga mismunandi vegu svo spilið hentar bæði börnum sem eru að kynnast stöfunum og þeim sem eru lengra komin. 

 

Stafastuð inniheldur:

32 stafaspil
32 myndaspil
2 stafrófsspil (spil með öllu stafrófinu á og er hugsað sem hjálparhella fyrir þá leikmenn sem eru enn að læra stafrófið).

Um spilið:

Hægt er að spila spilið á marga mismunandi vegu.
Spilið hentar bæði börnum sem eru að kynnast stöfunum og þeim sem eru lengra komin.
Spilið er fyrir 3 ára og eldri.
1-4 leikmenn.

Stytt útgáfa af leikreglum:

Stafabingó
Leikmenn fá myndaspil sem þeir leggja í borð. Bingóstjórinn dregur staf og ef myndaspilin sem leikmenn eru með í borði innihalda stafinn má snúa þeim við. Sá leikmaður sigrar sem er fyrstur að snúa við öllum sínum myndaspilum.
 

A til Ö
Leikmenn skipta stafaspilunum jafnt á milli sín og draga svo samtímis efsta spilið í sínum bunka. Sá sem er með staf sem er næstur A í stafrófinu fær slag. Sá vinnur sem er með flesta slagi þegar bunkarnir hafa klárast.

Litli orðaleikurinn
Spilið gengur út á það að nota stafaspilin til að stafa orð. Leikmaður byrjar á því að raða öllum stöfunum í stafrófsröð. Eitt spil er dregið í einu úr myndaspilabunkanum og ef orðið er t.d. epli þá á leikmaðurinn að stafa það orð með stafaspilunum. Það gerir hann með því að herma eftir orðinu á myndaspilinu. Fyrst finnur hann E, svo P o.s.frv.

Stóri orðaleikurinn
Spilið gengur út á það að nota stafaspilin til að stafa orð. Leikmaður byrjar á því að raða öllum stöfunum í stafrófsröð. Eitt spil er dregið í einu úr myndaspilabunkanum. Ólíkt Litla orðaleiknum fá leikmenn aðeins að sjá í myndina á myndaspilinu en ekki orðið sjálft. Ef það er t.d. mynd af epli þá á leikmaðurinn að reyna að stafa það orð með stafaspilunum.

Veiðimaður
Hið hefðbundna Veiðimannaspil þar sem myndaspil og fyrsti stafur í því orði eru slagur. Því þarf að taka út spilin: Ð - Bað - K - Kex, áður en leikurinn hefst.